Бүгін - көктемнің алғашқы күнімен тұспа тұс келген Алғыс айту күні. Баршаңызды Алғыс айту күнімен шын жүректен құттықтаймыз!

Биыл атаулы мейрам елімізде 8-ші жыл қатарынан аталып өтуде. Қыстан аман шыққан халықты өткеніне салауат айтып, бүгініне шүкір етіп, айналасына Алғыс айтуға шақыратын мейірім мен ізгіліктің мерекесі береке-бірліктің бастауы болғай.

Жадырап жеткен көктем көңілдеріңізге қуаныш сыйлап, мерейлеріңізді өсірсін! Шаңырақтарыңызға шаттық, дендеріңізге саулық, еселі еңбектеріңізге табыс тілеймін. Мереке мерекеге ұласып, ел аман, жұрт тыныш болсын!