2023 жылдың 16-17 ақпан аралығында Петропавл қаласында ҚГБ пәндер бойынша Республикалық олимпиаданың облыстық кезеңі өтті.
"Қашан бір бала ғылым-білімді махаббатпен көксерлік болса, сонда ғана оның аты адам болады" деп ұлы Абай айтпақшы мектебімізден республикалық пән олимпиадасының облыстық кезеңінде аудан намысын қорғаған оқушыларымыз жүлделі орын иеленіп, мерейімізді арттырды. Олар: қазақ тілі және қазақ әдебиеті пәні бойынша - 11-сынып оқушысы Табылдынова Әдима II жүлделі орын, тарих пәні бойынша - 11-сынып оқушысы Мұратбек Сабина II орын, 9-сынып оқушысы Молдахмет Зере II орын, орыс тілі мен әдебиеті пәні бойынша - 9-сынып оқушысы Кужибаева Томирис III орын. Болашақта білім майданының жеңімпаздары атанып, талай белестерді бағындыратынына сенеміз! Оқушыларымызға толағай табыс тілейміз!
